أبوشلهوب الهلالي10 المدير العام  معلوماتاضافية
مشآركآتي : 1193 نقاطي : 9089 تاريخ التسجيل : 17/07/2009 العمر : 29 الموقع : موقع شبكة الزعيم الدولي  |  موضوع: خاطرة بقلم عاجز (معاق) ........ روعة... منقول  الخميس أكتوبر 15, 2009 11:40 am | |
| بسم الله الرحمن الرحيم
الطفوله
أحلى مافي هالحياة
مرحله من غير هم
كنـّا دايم نبتسم
كنـّا حتى لو بكينا ... وجارت الدنيا علينا
بعد لحظـات وثواني
بسمه فينا ترتســم
..
كنـّا نركض
خلف كوره ... ( لا لا أنا ماكنت معهم !! )
وحدي بس بعيد عنهم ... كنت أنا أضحك عليهم
جالس لحالي أهذري ... جالس أحسب كم ( كوبري )
صلـّحه ( أحمد ) في ( ماجد ) ؟؟
والله واجد!!
...
وقبل ما يحل الظلام
للبيوت نروح نجري ... ( لا لا أنا ماكنت معهم ! )
أمشي وحدي بعيد عنهم ... أمشي وأعدد أثرهم !
وهم عني يبعدون
يبعدون ... يبعدون
إلا ( ماجد ) !!
كان مثلي حيل ضايق ...
بس حزنـي كــان حارق
كان يسألني ببراءه : ...
ليش تعرج ؟ ... قلت مادري ! ... باستياء
ليش تبكي ؟ قلت مابكي ... بكبرياء
ضاق مني ...
ثم سألني في غباء ...
قال ( وثرايك تـثــابق )؟؟
وراح عنــّــي ... !!
....
كنت أسأل دوم نفسي ...
ليش ما أركض معاهم ؟!!
ليش دوم أمشي وراهم ؟!!
وش بلاي ؟!! ... أو وش بلاهم ؟!!
ليه أنا غير الأنام ؟!!
زاحمتني الأسئله...
كل شيٍ أجهله ؟
وإن تعبت من الإجـــابه...
أحظن الحيـــره وأنام .
.....
مرّت سنين وكبرت ...
صار همّي اليوم أكبر
حتى دمعي صار أكثر
للأسف توي قدرت ...
أفهم إني شخص ( عاجز ) !!
يعني بيني وبينكم
مليون حاجـــز !!!
صدقوني ذي حقيقه ...
لا طلعت السوق ... كل ما أمشي دقيقه
القى كل شوي أبله !!
يمشي ويناظر صديقه ...
ويغمز له
يقول : ناظر ...!!
وش يناظر ؟!!
وتتفجّــر في خفوقي
ألف ضيقه.....
********************
ووحده في وسط الزحام ....
طالعتني باهتمام ...
بنت في عمر الزهور ... أي رشاقه ... وأي أناقه ...
وأي عطـــور !!
قلت في نفسي ياهووووه
هي تناظرني بغرام ؟!! ... أو هي نظره والسلام ؟!!
بس أكيد إنها تعرفني ... شايفتني ؟
شايفتني في جريده ؟
واعجبتها لي قصيده ؟
إيييييه أنا توي افتكرت
لي قصيده ...
كنت ناشر معها صوره
بس صوره ... ياسلااااا م
وفاجأتني ...
لمـّا صارت لي قريبه ... كانت تـمـتم بطيبه
{ يـكـسـر الخاطــر حـــرااااام ) !!!!!
وتركت دمعه غريبة ...
وضاعت بوسط الزحــام
دمعه كانت تحكي وضعي ... زلزلتني
ارتطم قلبي بضلعي ... دمرتني
صدقوني ...
أصعب اللحظــات وأقسى
لاغدا الرجـّــــال يكسر ... خاطر انثى
كيف ينسى ؟؟؟
جاوبوني !!
...
وزاد همّــي ...
يوم فكــّـرت بوظيفه ... ثم زواج
أي وظيفه ... وأي زواج ؟؟
اللــي مثـلي ...
مهما طالب ... لويلف ولو يدور
زين لو حطـــّــوه كــاتب
لا ... وعلى بنــد الأجـــــــور ....
ماهو رسمي !!!
....
صدقوني لو تدرّج ... وصار راتبه ايتصاعد
وابتــدا وضعه يزين
ما أظنه بيتزوّج ... حتى لو بعد التقاعد !!
.....
وفي النهــايه ...
يابلــدنا... مهما كانت ( تسميتـنا )
عاجزين ... ( معوّقين )
لك عهدنا ... وذا قسمنا :
أقسم بالله العظيم ... منزل الذكر الحكيم
أن أصونــك يابلادي ... من شرور العابثين
من مطامع كل حاسد ... من نوايا كل فاســد
وإني لك حصنٍ حصين
إنتي ناديني وشوفي ... لا نويتي بالجهــاد
والله أقهر لك ظروفي ... دامك إنتي لي بــــلاد
وباسم كل العاجزين ...
دام فينا أصبع يطول الزنـــاد
لا يهمــّـك يابلادي ...
وازهليهــا
..تقبلوتحياتي طاعري ابويحيى.... |
|
JNoOoN المدير العام معلوماتاضافية
مشآركآتي : 4024 نقاطي : 16442 تاريخ التسجيل : 16/07/2009 الموقع : المدينة المنوره | | موضوع: رد: خاطرة بقلم عاجز (معاق) ........ روعة... منقول الخميس أكتوبر 15, 2009 2:42 pm | |
| مشكووور على النقل الرائع
ولالله مشكووورم اقصرت يالغلا
لك مني أجمل تحية . |
|
أبوشلهوب الهلالي10 المدير العام معلوماتاضافية
مشآركآتي : 1193 نقاطي : 9089 تاريخ التسجيل : 17/07/2009 العمر : 29 الموقع : موقع شبكة الزعيم الدولي | | موضوع: رد: خاطرة بقلم عاجز (معاق) ........ روعة... منقول الجمعة نوفمبر 20, 2009 7:44 am | |
| شكرا لك لمرورك في موضوعي وهذا شرف لي ووسا على صدري |
|
الوسمي عضو مهم  معلوماتاضافية
مشآركآتي : 560 نقاطي : 6269 تاريخ التسجيل : 12/11/2009 الموقع : محبوب الملايين | | موضوع: رد: خاطرة بقلم عاجز (معاق) ........ روعة... منقول الأربعاء ديسمبر 16, 2009 7:06 am | |
| |
|
MarwanSoudies عضو مهم معلوماتاضافية
مشآركآتي : 1747 نقاطي : 8590 تاريخ التسجيل : 03/08/2010 الموقع : منتديات الأنهار الجارية | | موضوع: رد: خاطرة بقلم عاجز (معاق) ........ روعة... منقول الأربعاء أغسطس 04, 2010 12:14 am | |
| I asked the East and West for a word of thanks to you And complained about the East and the West back to find this word  |
|
«محبوب الملايين
الجمعة مايو 11, 2012 8:44 am
