اقدم تهنيئه خاصه بخروج والدنا من المستشفى سالماً غانماً معافى

والله يعطيه الصحة والعافيه


جعل ماصابك يبو متعب طهور *** بامر من ينشى مراويح السحاب


ماحكم مثلك على مر العصور *** ليت ترجع سيدي توك شباب


والله إنه ماحصل منكم قصور *** ياسليل المجد يادمث الجناب


الغلا لك يبو متعب بالصدور *** مادعينا لك لعله يستجاب


خادم البيتين يالرجل الجسور *** جعل قلب مايحبك للذهاب


كل شعبك حامل (ن) نفس الشعور *** بالدعاء لك بالذهاب وبالإياب


يامليك العرب يالشهم الغيور *** حكمتك تجلا عن العين الضباب


تجمع اللي بينهم دايم نفور *** وسط بيت (ن) من يساله مايخاب



انت وخوانك طويلين الشبور *** من زبنكم والله انه مايهاب


عودتك تبعث على النفس السرور *** اطلب الله ماتطول الغياب


بشرونا ثم زاد النور نور *** بالسلامه لين طاب الكيف طاب


يشكر الله كل رجال شكور *** نشكر اللي خالق آدم من تراب


كل مادونت واضح ومخبور *** جعل حبك دلني درب الصواب


ماكتبته مقصدى حب الظهور *** بس اهني سيدي دمت الجناب