أمل حياتي
تأليف احمد شفيق كامل
الحان محمد عبدالوهاب
امل حياتي يحب غالي ما ينتهيش
يا احلى غنوه سمعها قلبي ولا تتنسيش
خذ عمري كله بس النهارده خليني اعيش
خليني جنبك ... في حضن قلبك
وسيبني احلم ياريت زماني ما يصحنيش
امل حياتي عينيه يا اغلي مني عليه
****
ياحبيب امبارح وحبيب دلوقتي
ياحبيبي لبكره ولاخر وقتي
احكي لي قوللي
ايه م الاماني ناقصني تاني وانا بين اديك
عمري ما دقت حنان في حياتي زي حنانك
ولا حبيت ياحبيبي حياتي الا عشانك
وقابلت اماي وقابلت الدنيا وقابلت الحب
اول ما قابلتك واديتك قلبي يا حياه القلب
اكثر م الفرح ده ما احلمش اكثر م اللي انا فيه ما اطلبش
بعد هنايا معاك ياحبيبي لو راح عمري انا ماندمش
وكفايه أصحى على شفيايفك بتقولى عيش
اسمعها غنوة تقول لحبي ماينتهيش
خليني جنبك في حضن قلبك
وسبني احلم ياريت زماني ما يصحنيش
****
ياللي حبك خلا كل الدنيا حب
ياللي قربك صحى عمر وصحى قلب
وانت معايا يصعب عليه رمشة عنية ولا حتي ثانيه
يصعب عليه ليغيب جمالك ويغيب دلالك ولو شويه
قد كده باشتاق اليك قد كده ملهوف عليك
****
نفسي انده لك بكلمه ما تقالتش لحد تاني
كلمه قد هواك ده كله قد اشواقي وحناني
كلمة زيك واللي زيك فين
ده انت زيك ما اتخلقش اتنين
وكفايه اصحى على شفايفك بتقوللي عيش
اسمعها غنوة تقول لحبي ما ينتهيش
خليني جنبك ف حضن قلبك
وسيبني احلم يا ريت زماني ما يصحنيش
****
ياحبيبي مهما طال عمري معاك برضه ايامه قليله
دي السعاده والحنان في هواك ما تقضيهاش اجيال طويله
حبك يا حبيبي ملا قلبي وفكري
بينور ليلي ويطول عمري
بيزيد ... بيزيد فى غلاوته دايما بيزيد
وتملي جديد فى حلاوته وتمللي جديد
****
انت خلتني اعيش الحب وياك الف حب
كل نظره اليك بحبك من جديدوافضل احب
انا حبيت فى عينك الدنيا كل الدنيا حتى عوازلي او حسادي
كل الناس حلوين في عينه حلوين
طول ما عنيه شايفه الدنيا وانت قصادي
وانام واصحى على شفايفك بتقوللي عيش
اسمعها غنوه تقول لحبي ما تنتهيش
خليني جنبك في حضن قلبك
وسيبني احلم ياريت زماني ما يصحنيش
«محبوب الملايين
الجمعة مايو 11, 2012 8:44 am
موضوع: قصيدة آمــــــــــــل حياتـــي 
السبت ديسمبر 26, 2009 4:58 am
