بعد التحية

قصيدة عندى عين كتبتها اليوم ونحب تقروها وتعطونا رايكم فيها

لأنها تبقى مجرد محاولة فى الشعبى وان شاء الله تكون موفقة وترضيكم.

تقول كلماتها:-

عندى عين زهاها قل ... غاليها ماعاد يطل

ماعاد امبين من فترة ... ولاحد موصلها خبره
تبكى وتنزلها العبرة ... عالخد اللى دوم اتبل
والقلب اللى فاقد صبره ... ماعادش لاقيله حل

عندى عين زهاها قل ... غاليها ماعاد يطل

انا بالى ديمة مشغول ... سهران وليلى بيطول
هو اللى عنه مسئول ... عقلى مالتفكير شغل
لا مش لاقى ليه حلول ... حياتى كلها بلاه ملل

عندى عين زهاها قل ... غاليها ماعاد يطل

ناسينى فغيابه عنى ... مابا يرسل ويطمنى
مرسوله ماعاد وصلنى ... ولا بالهاتف يوم سـأل
ندعى مولاى يصبرنى ... ويفرج عالناس الكل

عندى عين زهاها قل ... غاليها ماعاد يطل

___(( انتهت ))____

شكرا ع الكلام الرائع

مشكور

I asked the East and West for a word of thanks to you
And complained about the East and the West back to find this word