بديت بمنزل القـرآن والانجيـل والتـواره= اله الكون رب الناس يفـرج كـل كرباتـي

انا عبد لربـي والزمـن عزربـه وعنـاه= واخفي ماطواني من عناي وكثـر ويلاتـي

يطاردني شبح ماضي ولاني قـادر انسـاه= يفوت اللي مضى لكـن عنـدي اه مافاتـي

طعني واحد بسيفه والاخـر والـم بشلفـاه= تموت الروح ونحيل الجسد حـي ولاماتـي

سيوف الذل تطعني وانا ساكت لهـا عـزاه= اموت بقهرها فاليوم خمس وعشر مراتـي

الا بالله ويش اللي سهم في غربته سـواه= بكى ذله قهر والدم ماهـو دمـع عبراتـي

وهايب من ولي العرش محدن ياخذ بيمنـاه= مقادير الزمن في صحفها مكتوب لوعاتـي

وجودي وجد من فاقد عياله حيلتـه ببكـاه= سهير ويسمع الجيران عنده جـذب وناتـي

وجودي وجد من فاقد عيونه والزمان اعماه= ولا له من قريب يسنده واخوان واخواتـي

وجودي وجد من طايح جريح ومسنده خلاه= وقع بالاسر يشكي مارحم لجروحه عداتـي

وجودي وجد من فارق وليف ولاقدر لقيـاه= تبات الناس في نوم هني والطرف ماباتـي

وجودي وجد من فارق حليب امه وكب غذاه= يتيم وعايش مابين عـم وشيـن عماتـي

وجودي وجد من فاقد يمينه والحقت يسراه= تشوف الموت في عينه وحزن بكل نظراتي

وجودي وجد من قاطع بروحه زوجته تنعاه= بعد ماحط فاليمنى وداعه تحمـل وصاتـي

على شوفت وليف لي صغير وكامل بحـلاه= اعشقه عشق وطيوفه تكـرر دايـم بذاتـي

فديته لاتبسـم وان تكلـم للعسـل بشفـاه= ولولا خايف المنقود قلت السمـع مولاتـي

فديت العين والرمش الظليل وبرقعه وغطاه= فديت حجاج عين مقترن في زينه سماتـي

فديت الخد لامنه كشف مزن سكـن منشـاه= بروقه تنعش قلوب البشر والـورد نباتـي

فديت المبسم اللي زاهي بصغره وحلو حكاه= لها في نطقها واسلوبها بالهـرج ميزاتـي

فديت ***ق شبر وزود شامخ كتفه وخـلاه= تفاخر به معانيق الذهب والماس موضاتـي

فديت الشعر لاقفى سواد سرمـدي غطـاه= كثيف من تحت وركه بمشيه لعب ميلاتـي

فديت الصدر ونهود تشيل لثوبـه وتزمـاه= ثبوت وركزها عسكر نظام بزيـن وقفاتـي

فديت الخصر وحزام الذهب مبروم به يزهاه= نحيل ويشتكي لاردافها ضعـف ومعاناتـي

فديته ياعرب لن زعل وافدى فرحته ورضاه= ولاحدن بالهوى ظني يسوي حاله سواتـي[/poem]










وسلامتكم .....بقلمي ....اخوكم الشاعر / سهم القوافي

مشكور والله

لك مني اجمل تحية .

I asked the East and West for a word of thanks to you
And complained about the East and the West back to find this word